İki yolun ayrıcında qalmısan,
Yoruldumu ümidlərin de, bilim.
Hərdən birdən yazırsan ki, "darıxdım"
Sözdür vallah deyirsən də, nə bilim.
Həsrətini məndən yaxşı çəkən var?
Sənin qədər sevilsəydim ölərdim.
Hisslərimdə yanılmıram biləsən,
Deyirəm ki, darıxsaydın gələrdin.
Bir də kimi sevərəmki sən qədər,
Bir də kimə aldanacaq ürəyim.
Qiymaram ki, gözlərini unudam,
Sən unutdun? sağ ol, var ol, nə deyim.
Əfsanə Rəvan
BİZİ SOSİAL PLATFORMALARDA İZLƏYİN