TƏRANƏ ARİFQIZI : VER CƏZAMI

SƏNə yaxın olmağın

Cəzasını çəkirəm.

unuduram özümü

Qəzasını çəkirəm.

Məni SƏNə gətirən,

Pıçıltının səsiyəm.

SƏNə SƏNdən yaxınam...

Hamının heç kəsiyəm...

SƏNsiz olan kəslərin

Adını unuduram...

Adsızların içində

Sözlərimi uduram...

Fikrimi qucaqlayıb

Bağrıma basıram mən...

Ürəyimdən keçirib,

Dilindən asıram mən...

Milyonların içindən

Keçıb SƏNƏ gəlirəm...

Döğularaq ölürəm,

Durub yenə gəlirəm...

Mən bu adi dünyada

Sadə insan oluram...

SƏN məndə olmayanda

Çox çarəsiz qalıram...

Ver cəzami, İlahi...

Hər an cəkim , hazıram...

Verdiyin cəzaları

Mən adına yazıram...

Təranə Arifqızı