QƏMƏR SÖZAY : KİMSƏSİZ DAXMA KİMİ

Kimsəsiz bir daxmayam,

Qapanmışam özümə.

Xəyalları toz basıb,

Görünmürlər gözümə.

Uçub sevgi çatısı,

Məhəbbəti üşüdür.

Hayqırtımı, sadəcə,

Yalnızlığım eşidir.

Payız keçib üstündən,

Xəzanına bürünüb.

Uçuq-sökük bu daxma,

Hey bahara sürünür.

Bütün yollar qapanıb,

Təklik sarıb dörd yanı.

Bitəcəkmi, görəsən,

Bu daxmanın üsyanı?

Qəmər Sözay