AYNURƏ İNCİ : GEDiRƏM

Kövrək ümidimdən körpülər salıb,

Könül sarayından çıxıb gedirəm.

Büsbütün hikkəmi, öfkəmi alıb,

Sevgi qalasını yıxıb gedirəm.

Leysantək gözümdə yaşa dönsən də,

Qəlbimdə qayaya, daşa dönsən də,

Ömür üzüyümdə qaşa dönsən də,

Küsdümsə gözucu baxıb gedirəm.

Qaranlıq gecənə nurlu ay oldum,

Tanrıdan səninçün böyük pay oldum,

Kükrəyən sel oldum, dəli çay oldum,,

Hissindən süzülüb axıb gedirəm

Gərək ayrılaydıq lap birincidə,

Qoymazdıq bu sevda ürək incidə.

Daha nə mənası, küs də, inci də,

Son dəfə əlini sıxıb gedirəm.

Aynurə İnci