XƏYALƏ SEVİL : SƏN BİRCƏ MƏNİ UNUTMA

Sən bircə məni unutma,

Qalan hər şey düzələr.

Keçib gedər aramızdan

Bu soyuq havalar da.

Bu ərköyün küsmələr

Bu şıltaq davalar da.

Sözlərim axşam tərəfi,

Sözlərim səhərdi mənim.

Niyə küskün dayanmısan?

Gözlərinin dərdi mənim.

Sən keçdiyin gündüzlərin

Gecəsi nurlu olar.

Eh. Məni də qınama,

Qadın qürurlu olar.

Yenə gülümsər saçlarım,

Barmaqların düzülər.

Sən bircə unutma məni,

Qalan hər şey düzələr.

Xəyalə Sevil