LEYLA MƏTİN : ZAMAN

Ümidlərdən arzulardan

Əl çək deyir yavaş-yavaş.

Gəlib çatıb sona karvan

Budur mənzil düş, a qardaş.

Neçə arzu diləyini

Bük qəlbinə götür apar.

Zaman yetib yelkənini

Bu dünyadan çəkib qopar.

Kaşkiləri ağır -ağır

Daşı indi özün ilə

Ölçüləcək hesabların

Fələklərin gözü ilə.

Əməlinlə qazandığın

Öz yükünü çiynində sən

Alıb burdan birdəfəlik

Qəbr evinə göçəcəksən.

Tərəziyə qoyulacaq

Hesabların kitabların.

Günahınmı çox olacaq,

Kara gələn savabların?

Leyla Mətin